صباح الـ ... مش عارف إيه

مرّت عليّ في أحد الأيام مواقف غريبة ومصادفات عجيبة دعوني أحكي لكم بعضاً منها ..
في الصباح كانت لدي بعض المشاغل قبل الذهاب للجامعة .. تأخرت قليلاً فاضطررت أن أذهب مع (الكوبري المعلّق)
وفي الطريق إلى الجامعة كنت أرى كلباً (أكرمكم الله) يطلّ من على الرصيف .. وعندما اقتربت منه .. فزّ يقطع الشارع .. فتلقفتُه بضربة بزاوية الصدام أردته صريعاً .. و كنت أراه في المرآة هو يدور في مكانه مثل مشاهد الرسوم المتحركة .. ياله من كلب!
(( بغيت أرجع له وأخنقه وأقول "ياكلب ليش تسوي كذا" ))
لكني كنت حليماً (كعادتي) .. فـآثرت العفو والصفح ..
عشر دقائق تفصلني عن بداية المحاضرة .. والطريق مزدحم كعادته ..
وصلت إلى الجامعة متأخراً بعض الشيء ..

..

..

(اسمحوا لي أكمل السالفة بالعامية الفصحى !)

رحت للسيارة بعد المحاضرة ودقيت سلف ..
كان صوت السيارة متغيّر شوي ..
ياشين دلع البنات .. تعننّي يارس ..
طلعت من المواقف وعدّيت الدوّار الأول ..
الثاني .. الثالث ..
ثم سمعت صوت طقطقة غريبة من تحت السيارة ..
ما أدري إلا وهالصوت ( طع ) شيء طاح من السيارة .. !!
قلت أبرجع أشوف لايكون طاح قلمي ولا الكبك حقي ..
يوم رجعت .. قعدت أضحك إلين قلت بس ..
لقيت (السّلف) متسدّح في الشارع وعامل لي فيها بطل ..
وييين يبو .. ما اتفقنا ..
أول مرة في حياتي أشوف سلف يطيح [^_^']
أخذته وركبته جنبي وقعدت أهاوشه .. ليش تطيح .. ياسخيف .. فشّلتنا
ثم بدأ الدوام في الصناعيات والورش .. وجلست السيارة أكثر من خمس ساعات وهي تشتغل ..
إذا طفيتها مافي شي يشغلها .. لأن الأخ الكريم (سلف) ماخذ له إجازة وعمّال يدربي نفسه جنبي في السيارة ..


اضطريت في الأخير أدفع مبلغ (OVER TIME ) لواحد فلبيني عشان يركب السلف خارج وقت الدوام ..

..
>>>>>>
من صور الفضاوة بالجوال في ذاك الوقت

كوب كابتشينو كبير كنت مخليه في السيارة وقعدت أتفنن عليه تصوير
>>>>>>
المضحك في الأمر .. أن (الذياب) الرسام الكاكي .. الكاري .. الكاريكا .. الكــاريــكاتــوري ( أف ياطولها ! )
هذا الرسام جسّد الفضيحة بتاعت الكلب (أعزكم الله ) في الصفحة الأخيرة في جريدة الجامعة
بص حضرتكـ : -



..

والمفروض الرسام يشره على الكلب مايشره عليّ لأني إنسان كريم الأخلاق وأربط الحزام ومعي رخصة ..
وبعدين كنت رايح أطلب علم ..
أما الكلب فيكفي اسمه !


!

فوائد استفدتها من هذه المواقف : -
أولاً- خارج دوام بالانجليزي معناها (أوفر تايم)!
ثالثاً- اجعل في سيارتك كوباً من القهوة فمن يدري ربما تحتاجه يوماً !!
ثانياً- إذا صدمت كلب رح لورشة و شدّ على السلف !!!